::Vida en nuestros pueblos: La UE investiga a la DGA por cerrar 90 mataderos, tras aceptar la denuncia presentada por CHA La Comisión de Peticiones del Parlamento Europeo ha admitido a trámite la denuncia presentada a finales de marzo por Chunta Aragonesista (CHA) :: 20/09/2006 ::más informazión::

Ye de dar que a Unión Europeya de a que o Estato español forma parti ya no ye o estranchero, sino una prolongazión de o nuestro propio espazio politico, como bastida supraestatal y de dimensión continental. Por ixo, pon de o que ocurre en ixa nueba estructura de poder puede estar alleno á os aragoneses y aragonesas. O reparto d'importantísmas aduyas ta infraestructuras u formazión y a mesma politica agraria se deziden en Bruselas, pero tamién astí s'apreba una lechislazión en esfensa d'o medio ambién, d'igualdá d'oportunidaz ta mullers y ombres u de proteuzión de os consumidors cuala aplicazión benefiziará á la nuestra soziedá.

Fa poco a luita cuentra o Plan Hidrolochico Nazional ha dixato bien esclatero en Aragón o importán papel d'as instituzions europeyas.

Pero no solo se trata d'acudir enta Europa á esfender os nuestros intreses. L'aragonesismo que CHA representa quiere construyir una Europa de os Ziudadanos y de os Pueblos, acuerde á las balors democraticas, sozials, solidarias y federalistas que esfendemos.

Engalzando iste oxetibo, CHA ha colaborato á lo largo d'a suya istoria con atras fuerzas politicas de cucha d'atras nazionalidaz. Dende marzo de 2004, CHA s'ha encorporato á l'Alianza Libre Europeya (ALE) como miembro de pleno dreito ta esfender os intreses d'Aragón en a Unión Europeya, chunto á atros partitos nazionalistas e rechionalistas democraticos que esfenden a dibersidá d'os pueblos, culturas e luengas en o continén europeyo. L'Alianza Libre Europeya ye o partito democratico d'os pueblos d'Europa.

Autualmén, ALE cuenta con zinco deputatos en o Parlamento Europeyo, encuadratos en o Grupo Parlamentario Os Berdes-ALE.