Amigo, amiga, Grazias por dentrar en a pachina web de CHA.

..Nabatiando con nusatros, podrás conoxer-nos una miqueta millor, leyer os nuestros decumentos y rebistas, beyer a nuestra implantazión en o territorio y presenzia instituzional, comunicar-te con os cargos publicos y os responsables de o partito, y arribar á trabiés d'enlazes á atras webs, como as de a Fundazión Gaspar Torrente u bellos ligallos de redolada de CHA, asinas como una ampla triga de pachinas d'interés sobre Aragón y as ideyas que esfendemos

Dende a nuestra portalada d'autualidá, podrás conoxer diariamen os más reziens comunicatos de prensa nuestros y articlos d'opinión, asinas como as fitas más amanatas en l'Achenda y as Campañas que somos desembolicando en cada inte. Y, á trabiés de a nuestra adreza de correyo, podrás fer-nos plegar cualsiquier propuesta, opinión u pregunta que nos quieras planteyar. Sabedors de que as nuebas teunolochías han ubierto una nueba ambiesta de relazión sozial, en CHA queremos continar enamplando a nuestra faina y as nuestras rebindicazions en o rete, amillorando as nuestras ferramientas ta fer cada begada un millor camín á la partezipazión politica d'a soziedá aragonesa d'o sieglo XXI. Por ixo, si compartes o nuestro compromís con Aragón y as suyas chens, aquí trobarás muitas cosas que fer: te combido á partezipar en o proyeuto aragonesista que CHA encapeza.
Buen biache y dica más beyer,

Bizén Fuster Santaliestra
Presidén de Chunta Aragonesista (CHA)

"CHA ye un coleutibo d'ombres y mullers que fan suyas as balors d'o sozialismo democratico, y que se consideran continadors y partezipes d'o esfuerzo istorico de luitar por a libertá, a democrazia, a toleranzia en a pluralidá, a paz, a dinnidá, a solidaridá y a igualdá entre as presonas y os pueblos, fuyindo de dogmatismos y replegando de as diferens esperenzias d'o mobimiento sozialista, d'os mobimientos por a emanzipazión sozial y nazional, y d'as corriens ecopazifistas, feministas y umanistas, os elementos alazetals ta la definizión de a suya estratechia y programa."

(De l' Articlo 1. Ordinazions
de CHA)